Hakohet faqja e Bashkësisë Islame të Prizrenit, postohen fotografi me përmbajtje të papërshtatshme

Hakohet faqja e Bashkësisë Islame të Prizrenit, postohen fotografi me përmbajtje të papërshtatshme

Këshilli i Bashkësisë Islame të Kosovës ka reaguar pasi Këshillit të Bashkësisë Islame në Prizren i janë hakuar faqet zyrtare në rrjetin social në Facebook dhe Youtube.

Sipas një statusi në rrjetin social në Facebook bëhet e ditur se faqet zyrtare të Këshillit të Bashkësisë Islame në Prizren ka disa ditë që nuk mirëmbahen nga personat përgjegjës të këtij Këshilli.

Nga Këshilli i Bashkësisë Islame thonë se faqet zyrtare të këtij Këshilli janë hakuar nga persona të papërgjegjshëm.

“Të nderuar besimtarë, ju njoftojmë se faqja zyrtare e Këshillit të Bashkësisë Islame në Prizren, në Facebook dhe Youtube, ka disa ditë që nuk mirëmbahet nga personat përgjegjës të këtij Këshilli, si pasojë e vjedhjes së saj nga persona të pandërgjegjshëm”, thuhet në reagimin e tyre.

Po ashtu, sipas Këshillit të Bashkësisë Islame të gjitha publikimet e ditëve të fundit nuk përbëjnë qëndrimet zyrtare të Këshillit.

“Andaj, si rrjedhojë, publikimet e bëra gjatë këtyre ditëve, nuk përbëjnë qëndrimet zyrtare të Këshillit”, thuhet ndër të tjera në reagimin e Këshillit të Bashkësisë Islame të Kosovës.