Edhe AAK kërkon raportim të Kurtit: Jemi në terr informativ

Edhe AAK kërkon raportim të Kurtit: Jemi në terr informativ

Në Kuvendin e Kosovës është kërkuar që kryeministri i Kosovës, Albin Kurti të marrë pjesë në seancë e të flitet për takimin e fundit në Bruksel në mes tij dhe presidentit serb, Aleksandar Vuciq.

Madje nga LDK-ja pati edhe një mocion procedural ku kërkohet raportimi i Kurtit në Kuvend.

Kjo është përkrahur edhe nga PDK-ja dhe AAK-ja.

Shefi i grupit parlamentar të AAK-së, Besnik Tahiri, tha se gjenden në terr informativ sa i përket dialogut dhe e gjithë kjo për shkak të mostransparencës së qeverisë.

Me këtë ai u shpreh se edhe AAK e mbështet kërkesën e LDK-së, që kryeministri Albin Kurti të raportojë sot në kuvend për propozimin evropian.

”Jemi në terr informativ për dialog. Nuk është luftë partiake. Ne jemi ata që përfaqësojmë popullin. Kjo qasje tregon shumë për këtë kuvend. E mbështes kërkesën e Abdixhikut. E di që shumë prej jush që nuk pajtohemi edhe me qëndrimin tonë që e kemi pasë. Por është koha që të marrim një vendim e mos të humbim si vend”,tha ai./Lajmi.net/