Milaim Zeka: Kurti nuk e firmosë marrëveshjen, do të jap dorëheqje

Milaim Zeka: Kurti nuk e firmosë marrëveshjen, do të jap dorëheqje

Gazetari Milaim Zeka analizoi diskutimet në Bruksel mes kryeministrit kosovar Albin Kurti dhe presidentit serb Aleksandër Vuçiç, për normalizimin e marrëdhënieve mes Prishtinës dhe Beogradit.

Zeka tha se ai beson se kryeministri i Kosovës nuk do ta nënshkruajë kurrë marrëveshjen me Serbinë dhe se do të japë dorëheqjen së shpejti.

Sipas Zekës, bindjet ekstremisht të majta të Kurtit nuk e lejojnë atë të mendojë çfarë është në interesin e shtetit të Kosovës, por se çfarë do të shkruajë historia për të.

“Ne si gazetarë ëdhe si analistë kemi për detyrë t’i paraprijmë ngjarjeve. Unë parmbërmë kisha një informacion që Albin Kurti nuk do ta nëshkruante marrëveshjen e planit franko-gjerman dhe në mëngjes bëra një shkrim që nuk do të kemi kurrëfarë nënshkrimi. Prapë i qëndrojë pjesës së dytë të shkrimit tim që Albin Kurti ka shumë gjasa të japë dorëheqjen.

Sepse nuk pranon Albin Kurti një vetëvrasje politike nëse ai është marksist-leninist, i cili nuk mendon se cili është interesi i qytetarëve të Kosovës, ose i shtetit të Kosovës, por se çfarë do të shkruaj historia për të. Po të mendonte Hashim Thaçi se çfarë do të shkruante historia për të nuk do ta nënshkruante kurrë marrëveshjen e Rambujesë”, tha Zeka.