Gjykata rrëzon çështjen e Martin Berishajt në shkallën e dytë: Lajmet nuk ishin shpifje
Gjykata rrëzon çështjen e Martin Berishajt në shkallën e dytë: Lajmet nuk ishin shpifje
Mirko Mayer, kryeredaktori i “Planet TV”, televizionit që akuzoi ambasadorin kosovar në Slloveni, Martin Berishaj për përfshirje në një skandal financiar dhe tërheqjen e pagesave të majme nga GEN-i në Beograd, ka bërë të ditur se Gjykata në Slloveni ka vendosur edhe në shkallën e dytë se lajmet e këtij mediumi rreth këtyre çështjeve nuk janë shpifje.
Përmes postimit në Twitter, Mayer i është drejtuar edhe kryeministrit Albin Kurti, i cili ditë më parë kishte thënë se shpreson që të vendoset drejtësia në këtë rast, shkruan lajmi.net.
“Kam dëgjuar se kryeministri i Kosovës, Albin Kurti ka bërë një deklarata dhe ka shprehur dëshirën që drejtësia do të thotë fjalën e saj në rastin e Berishajt kundër Planet TV. E njoftoi se kjo dëshirë i është plotësuar dhe drejtësia tashmë ka vendosur. Rasti i hapur nga Berishaj është refuzuar nga gjykata në shkallën e dytë”, ka shkruar Mayer.
Kujtojmë se para disa kohësh, Gjykata e Qarkut në Lubjanë pati vendosur që ta hedhë poshtë akuzën e Berishajt për “Planet TV” pa efekt juridik.
Mayer ka shpërndarë edhe vendimin e gjykatës.
Kujtojmë se pas publikimit të lajmeve për Martin Berishajn, ky i fundit kishte dorëzuar padi ndaj “Planet TV”, por se vendimet e deritanishme bëjnë të kuptojnë se nuk ka bazë juridike për hetim ndaj raportimeve, pasi që të njëjtat nuk janë konsideruar si shpifje, ashtu siç ka pretenduar ambasadori Berishaj.
Slišim, da je kosovski premier @albinkurti podal izjavo za @NovicaMihajlo @Delo in pri tem izrazil upanje, da bo v primeru Berishaj proti @PlanetTV zadoščeno pravici.
➡️Sporočam, da se mu je želja že izpolnila: 16.2. Berishajevo kazensko tožbo zavrglo še sodišče druge stopnje. 👇 pic.twitter.com/bhTDK15YZp— Mirko Mayer 🎬 📺 (@Mirko_Mayer) February 23, 2023
