Southgate i paqartë për të ardhmen e tij
Trajneri i Anglisë, Gareth Southgate nuk e di se çfarë do ndodh me të ardhmen e tij.
‘Tre Luanët’ mbrëmë u mposhtën 2:1 nga Franca dhe u eliminuan nga Kupa e Botës.
Pas kësaj humbje trajneri i Anglisë u shpreh i paqartë në lidhje me të ardhmen e tij.
“Këto turne ju marrin shumë dhe më duhet pak kohë për të reflektuar. Mendoj se kjo është gjëja e duhur për të bërë”, tha fillimisht ai.
“Ka nevojë për pak kohë për t’u siguruar që të gjithë të marrin vendimin e duhur”, shtoi ai për të ardhmen e tij.
Mbetet të shihet se cili do jetë vendimi final në lidhje me të ardhmen e anglezit.
